﴿بِسْمِ اللّٰهِ الرَّحْمٰنِ الرَّحٖيمِ ۞ وَاِنْ مِنْ شَىْءٍ اِلَّا يُسَبِّحُ بِحَمْدِهٖ﴾
﴿اَللّٰهُ نُورُ السَّمٰوَاتِ وَالْاَرْضِ مَثَلُ نُورِهٖ كَمِشْكٰوةٍ فٖيهَا مِصْبَاحٌ اَلْمِصْبَاحُ فٖى زُجَاجَةٍ اَلزُّجَاجَةُ كَاَنَّهَا كَوْكَبٌ دُرِّىٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضٖٓىءُ وَلَوْ لَمْ تَمْسَسْهُ نَارٌ نُورٌ عَلٰى نُورٍ يَهْدِى اللّٰهُ لِنُورِهٖ مَنْ يَشَٓاءُ﴾
آيتى اون وجهله رسالۀ نوره إشارت ايتديگى ايچون بز دخى اونى شويله تعريف ايدييورز:
أى رسالۀِ نور! سنڭ قرآنِ كريمڭ نورلرندن و معجزهلرندن گلديگنه، حقّڭ إلهامى، حقّڭ ديلى اولوب اونڭ أمرى و اونڭ إذنى ايله يازيلديغنه و يازديرلديغنه، آرتيق شك شبهه يوق. فقط عجبا سنڭ بر مِثلڭ داها يازيلمش ميدر؟ توركجه اولارق تأليف و ترتيب و تنظيم اولونان، مزيَّن و مكمّل، فصيح و بليغ نسخهلرينڭ شيمدىيه قدر بر أشى و بر يولداشى گورولمش ميدر؟ يوزندهكى فصاحت و ئوزندهكى بلاغت و سندهكى حلاوت باشقه أثرلرده گورونمييور. أهل و أربابنه معلوم اولديغى اوزره آياتِ بيّناتِ إلٰهيهنڭ درلو قرائت ايله حكمت و حقيقت و معرفت علملرينى و داها بر چوق رموز و أسرار و إشارت و علومِ عربيهيى حامل اولديغى گبى، سن دخى بر چوق يوجهلكلر صحيفه و سطرلرنده، حتّى كلمه و حرفلرنده، طلبهلرينى حيرت و دهشتلره دوشورن بر چوق أسرار و لدنّيات طاشييورسڭ. ايشته بو حال سنڭ بر معجزۀِ قرآن اولديغنى إثبات ايدييور. اويله