و آخرت ميوهلرينى دنياده قوپارمغه چاليشماز؛ وظيفۀِ إلٰهيه اولان موفّقيت و خلقه قبول ايتديرمك و رواج ويرمك و غلبه ايتديرمك و مستحق اولدقلرى شان و شرف و أذواق و عنايتلره مظهر ايتمك گبى كندى وظيفهلرينڭ خارجنده بولونان شيلره قاريشمازلر و حركاتنى اونلره بنا ايتمزلر. خالصًا، مخلصًا چاليشيرلر، «وظيفهمز خدمتدر. او يتر.» ديرلر.
سعيد النورسى
* * *
﴿بِاسْمِهٖ سُبْحَانَهُ﴾
سكسان كسور سنه قيمتنده بولونان و رمضانِ شريفڭ مجموعنده گيزلهنن ليلۀ قدرى قزانمق ايچون، رسالۀ نور شاكردلرينڭ شركتِ معنويۀ اُخرويهلرى مقتضاسنجه، هر برى متكلّمِ مع الغير صيغهسنجه (اَجِرْنَا ۞ اِرْحَمْنَا ۞ اِغْفِرْلَنَا) گبى تعبيراتده بز ديدكلرى وقت، رسالۀِ نورڭ صادق شاكردلرينى نيّت ايتمك گركدر. تا هر بر شاكرد، عمومڭ نامنه مناجات ايدوب چاليشسين. بو بيچاره، آز چاليشهبيلن و حدّندن چوق فضله خدمت اوندن بكلهنن بو قارداشڭزه، او حسنِ ظنلرى ياڭليش چيقارمامق ايچون، گچمش رمضان گبى يارديمڭزى رجا ايدييورم.
سعيد النورسى
* * *