صراط كوپريسنڭ باشنه گيدر. بتون پيغمبرانِ عظام حضراتنى برر برر زيارت ايدر، پيغمبر أفنديمزى ده زيارته مظهر اولونجه اويانير.
آرتيق بو رؤيادن آلديغى فيض، تحصيلِ علم ايچون (حاشيه) بيوك بر شوق اويانديرر. پدرندن إذن آلارق، تحصيل ياپمق اوزره آرواس ناحيهسنه گيدر. بوراده إجراىِ تدريس ايدن مشهور ملا محمد أمين أفندى كنديسنه درس ويرمگه تنزّل ايتمهيوب طلبهلرندن بريسنه اوقوتمسنى توصيه ايدنجه، عزّتنه آغير گلير. بر گون بو مشهور مدرّس جامعده درس اوقوتمقده ايكن، ملا سعيد إعتراض ايدهرك:
- أفنديم، اويله دگل!
خطابنده بولونور. اوقوتماسنه تنزّل ايتمديگنى خاطرلاتير. اوراده بر مدّت قالدقدن صوڭره، مير حسنِ ولى مدرسهسنه گيتدى. آشاغى درجهده اوقويان يڭى طلبهلره أهمّيت ويريلمهمك بو مدرسهنڭ عادتى اولديغنى آڭلاينجه، صيره ايله اوقونماسى ايجاب ايدن يدى درس كتابنى ترك ايدهرك، سكزنجى كتابدن اوقوديغنى سويلهدى.
بر قاچ گون صوڭره وصطان قصبهسنه گيتدى ايسه ده، اوراده تبديلِ هوا ايچون آنجق بر آى قدر قالدى، بِالآخره ملا محمد إسمنده بر ذاتڭ رفاقتنده
___
(حاشيه): تاريخچۀِ حياتنده يازيلمامش، او رؤياده مظهر اولديغى بر حقيقتى صوڭرهدن شويله آڭلادق كه: ملا سعيد، حضرتِ پيغمبردن علم طلبنده بولونماسنه قارشيلق؛ حضرتِ رسولِ أكرم عليه الصلاة والسلام، امّتندن سؤال صورمامق شرطيله علمِ قرآنڭ تعليم ايديلهجگنى تبشير ايتمشلر. عينًا بو حقيقت حياتنده تظاهر ايتمش. داها صباوتنده ايكن بر علاّمۀ عصر اولارق طانينمش و قطعيًا كيمسهيه سؤال صورمامش، فقط صوريلان بتون سؤاللره مطلقا جواب ويرمشدر.