ايدهبيلمكدهدر. بر طائفهيه، بر صنف خلقه مخصوص دگلدر. بو تاريخچۀِ حيات، اوقويوجيلرڭ نظرينى (بو زمانده) قرآنڭ حكمت نورلرى اولان رسالۀِ نوره چويروب، اوندن إستفادهيى گوسترهجكدر. سعيد نورسى ايسه؛ قرآنڭ خدمتنده فداكارانه چاليشمش، سنّتِ پيغمبرىيه إتّباع ايتمش، نمونۀ إمتثال بر ذات اولارق گورونمكدهدر.
تاريخچۀ حياتده گچن بعض مكتوبلردن آڭلاشيلهجغى اوزره:
سعيد نورسى، بر زمانلر فلسفه مسلگنده چوق ايلرى گيتمش، صوڭره قرآنِ حكيمڭ إرشاديله، حق و حقيقته ايريشمش و بو زمانده فن و فلسفه ايله إشتغال ايدوب شكّ و شبههلره معروض قالانلرى، عقلى دليللرله شبههلردن قورتارهجق أثرلر تأليف ايتمشدر.
رسالۀِ نورڭ يولى، مسلگى؛ بو زماندهكى حيات شرطلرينه، إنسانلرڭ أحوالِ روحيهلرينه گوره أڭ سلامتلى، أڭ قيصه و عمومى بر جادّۀِ قرآندر. سراپا علم و تفكّر اوزرينه گيتمكدهدر. إجتماعى حياتده چشيدلى خدمتلر گورن فردلرڭ إستفادهسى بيوكدر. رسالۀِ نورى اوقويان و اوندن درس آلارق تفكّرِ ايمانيهيى قزانانلر، دنيوى وظيفه و مسلكلرينى، آخرت حياتنه و أبدى سعادته وسيله ياپارق بيوك بختيارلغه ايريشهجكدر. إسلام دينندهكى بو بيوك حقيقتى درك ايدن منوّرلر؛ ألبته حق ديننڭ خدمتنى بيوك بر سعادتله درعهده ايدهجكلر، حقيقتى آرايان فقط بولاميان إنسانلغه ده نشره چاليشهجقلر. أوت طلبه، پروفسور، مبعوث، كيم اولورسه اولسون، مسئوليت دائرهسى اولانلر، محيطنى تنوير ايله مكلّفدر. بر ولايت، حتّى بر مملكتڭ سعادت و سلامتى، تنوير و إرشادى ايله مكلّف اولانلر، ألبته چوق داها زياده متيقّظ طاورانمق مجبوريتندهدرلر. سعيد نورسى، رسالۀِ نورله بو ملّته أڭ بيوك خدمتى، اييلگى ياپمشدر. مقابلنده، شخصى ايچون بر تشكّر دخى ايستهمييور؛ گرچه شخصنه توجيه ايديلن يوكسك مدح و توصيفاتى حاوى