يالڭز رسالۀِ نورڭ ترجمانى، حقيقى وظيفهسنڭ خارجنده دنيادهكى إستقبالياته نادرًا آرا صيره باقماسى، ظاهرى بر مشوّشيت ويرر. مثلا: بوندن اوتوز قرق سنه أوّل: «بر نور گلهجك، بر نور عالمى گورهجگز» ديمش و او معنايى، گنيش بر دائرهده و سياستده تصوّر ايتمش.
هم بوندن اون درت، اون بش سنه أوّل، «دينسزلگى چويرنلر مدهش سماوى طوقاتلر ييهجكلر» دييه بيوك، گنيش، كُرۀِ أرض دائرهسندهكى حادثهيى، طار بر مملكتده و محدود إنسانلرده تصوّر ايتمش. حالبوكه إستقبال، او ايكى إخبارِ غيبىيى تصوّرڭ پك فوقنده تفسير و تعبير أيلدى. أسكى سعيدڭ «بر نور عالمى گورهجگز» ديمسى، رسالۀِ نورڭ دائرهسنڭ معناسنى حسّ ايتمش؛ گنيش بر دائرۀِ سياسيه تصوّر ايتديگى گبى، سرِّ اِنَّا اَعْطَيْنَاده، اون اوچ اون درت سنه صوڭره، «دينسزلگى، زندقهيى نشر ايدنلر، مدهش طوقاتلر ييهجكلر.» دييوب؛ گنيش بر حقيقتى طار بر دائرهده تصوّر ايتمش. إستقبال، او ايكى حقيقتى تعبير و تفسير أيلدى. باشده إسپارطه اولارق رسالۀِ نور دائرهسى، أوّلكى حقيقتى پك پارلاق و گوزل بر صورتده گوسترديگى گبى؛ ايكنجى حقيقتى ده، مدنيتِ سفيههنڭ طغياننڭ و مادّيونلق (حاشيه) طاعوننڭ آشيلامسنى چويرن و إداره ايدن أرواحِ خبيثهنڭ باشلرينه گلن بو دهشتلى سماوى طوقاتلر، گنيش بر دائرهده، سرِّ اِنَّا اَعْطَيْنَانڭ حقيقتنى، تام تامنه إثبات ايتمش.
سؤال: رسالۀِ نور قطعى برهانلره إستنادًا حكملرى عين عيننه، تأويلسز، تعبيرسز حقيقت چيقماسى و يالڭز إشارتِ توافقيه و سنوحاتِ قلبيهيه إعتمادًا
___
(حاشيه): أوت مادّيونلق طاعوننڭ خستهلغى نوعِ بشره بو دهشتلى صيتمهيى و كُرۀِ أرضه بو تيترهمگى ويرمشدر.