اونڭ قلبنده مسافر اولمق و لسانيله تكلّم ايتمك گركدر. أگر كندى مالنده تصرّف ايتسه، علامتِ قيمت اولان إعتبار و إهتمامڭ تقسيمنده هر قيدڭ إستحقاق و إستعداد و رتبهسنى نظره آلمق ايله تقسيمنده عدالت و اُسلوبلرده إستعدادڭ قامتنه گوره كسمكدر. تا هر بر مقصد، اونڭ مناسبنده اولان اسلوبدن جلوهگر اولابيلسين. زيرا اُسلوبڭ أساسلرى اوچدر:
برنجيسى: اُسلوبِ مجرّددر. سيّد شريفڭ و نصير الدّين طُوسِينڭ ساده اولان معرضِ كلاملرى گبى...
ايكنجيسى: اُسلوبِ مزيَّندر. عبد القاهرڭ «دلائل الإعجاز» و «أسرار البلاغة»دهكى مشعشع و پارلاق كلامى گبى...
اوچنجيسى: اُسلوبِ عاليدر. سكّاكى و زمخشرى و ابن سينانڭ بعض محتشم كلاملرى گبى... وياخود شو كتابڭ مئالندهكى عربىّ العباره، لاسيّما مقالۀِ ثالثهدهكى مشوّش فقط محكم پارچهلرى گبى. زيرا