باقهمازلر. گويا متكلّم آلتى جهتنى نظره آلوب، أطرافنه بر سور چكمشدر. يعنى موضوع وياخود محمولى تقييد ايله.. وياخود توصيف ايله.. وياخود باشقه جهتله وهمڭ هجومنه مساعد نقطهلرده برر مدافع مهيّا ايدهرك، باشدن آشاغىيه قدر مقدّر سؤاللره جواب حكمنده اولان قيوداتيله مجهّز ايتمكدر. أگر بوڭا مثال ايسترسهڭ شو كتاب بِتمامِهِ بوڭا اوزونجه بر مثالدر. لاسيّما مقالۀِ ثالثه أڭ پارلاق بر مثالدر.
اون ايكنجى مسئله
كلامڭ سلامت و رندچلنمسى و إعتدالِ مزاجى ايسه، هر قيدڭ إستحقاق و إستعدادينه گوره عنايتى تقسيم و خلعتِ اسلوبى توزيع و گيديرمكدر. هم ده حكايتده اولورسه، متكلّم كندينى مَحْكِى عنه يرنده فرض ايتمك گركدر. شويله: أگر باشقهسنڭ حسّيات و أفكارينڭ تصويرنده ايسه، مَحْكِى عنهه حلول ايتمك و