موضوعڭ علويتى شو كتابى اُسلوبِ عالىيه إفراغ ايتمشدر. يوقسه بنم صنعتمڭ تأثيرى جزئيدر.
الحاصل: أگر إلٰهيات و اصولڭ بحث و تصويرنده ايسهڭ، شدّت و قوّت و هيبتى تضمّن ايدن اُسلوبِ عاليدن آيريلمامق گركدر.
أگر خطابيات و إقناعياتده ايسهڭ، زينت و پارلاقلق و ترغيب و ترهيبى تضمّن ايدن اُسلوبِ مزيّنى ألڭدن گليرسه ألدن بيراقمه. فقط گوستريش و تصنّع و عوامپرستانه نمايش ايتمهمك گركدر.
أگر معاملات و محاورات و آلَت اولان علملرده ايسهڭ؛ وفاء و إختصار و سلامت و سلاست و طبيعيلگى تكفّل ايدن و سادهلگيله جمالِ ذاتيه يى گوسترن اُسلوبِ مجرّده إقتصار ايت.
بو مسئلهنڭ خاتمهسى: كلامڭ قناعت و إستغناسى و عصبيتى ايسه، مقامڭ خارجنده اسلوبى