صحرايه يوكنى آتديغى گبى؛ تجارتِ خفيهيه بڭزر إمتزاجاتِ كيميويه ايله، چيچكلرڭ نازنينلرينه گويا رنگارنك ألبسه آلينير، ديكيلير. حتّى چيچكلرڭ چوبانى إطلاقنه شايان اولان كَفْنَه (١) باشنى قيرمزيلاشديرييور.
هم ده: (غَارَ الْوَفَاءُ وَفَاضَ الْغَدْرُ وَانْفَرَجَتْ ۞ مَسَافَةُ الْخُلْفِ بَيْنَ الْقَوْلِ وَالْعَمَلِ) يعنى: «وفاء، غَوْرِ إنعدامه چكيلدى.. طوفانِ غدر فورانه باشلادى. قَول و عمل اورتهسنده اوزون بر مسافه آچيلدى...»
اوزاغه گيتمك ايستهمييورسهڭ بو مقالهنڭ بر پارچه ماقبلنه نظر ايت، بو مسئلهيه نمونه اولمق ايچون چوق پارچهلرى بولاجقسڭ. أزجمله: «آياتڭ دلائلِ إعجازينڭ مفتاحى و أسرارِ بلاغتنڭ كشّافى يالڭز بلاغتِ عربيهدر. فلسفۀِ يونانيه دگلدر.» وياخود مقالۀِ
___
(١): تيكنلى، إحراق ايديلير بر طاغ محصوليدر.