اولٰىده اولان مسئلۀِ اولٰىنڭ خاتمهسندهكى إشارته باق. ايشته «خلقت دينيلن شريعتِ فطريه، مجذوب و مسافر اولان كُرۀِ أرضه فرض ايتمشدر كه: شمسه إقتدا ايدن ييلديزلرڭ صفنده طورمق، شذوذ ايتمهمك... زيرا زمين زوجيله برابر (اَتَيْنَا طَائِعٖينَ) ديمشلردر. طاعت ايسه جماعتله داها أحسندر.»
شيمدى تأمّل ايت! بو مثاللر، قارشى و آرقهلرندن اويله مقاماتى گوسترر كه، آرقهلرندن باشقه مقامات خيال ميال گبى باشنى چيقارييور.
آلتنجى مسئله
كلامڭ ثمراتى ايسه؛ طبقاتِ مختلفهده، صُوَرِ متعدّدهده تشكّل ايدن معانيدر. شويله: كيميايه آشنا اولانلره معلومدر: بر مادّه يى، مثلا آلتون گبى بر عنصرى إستحصال ايديلديگى وقت، ماكينه ويا فابريقه ايله