حسّياتنڭ منشئى اولديغى گبى؛ لسانِ ملّيسى ده، حسّياتنڭ معكسيدر... ملّتڭ أمزجهلرى مختلف اولديغى گبى، لسانلرندهكى إستعدادِ بلاغت دخى متفاوتدر. لاسيّما عربى لسانى گبى نحوى بر لسان اولسه... بو سرّه بناءً جريانِ أفكاره مجرا و بلاغت چيچكلرينه چمنگاه اولمغه چوق درجه ناقص و قيصه و قورو و قِرْآوْ اولان نظمِ لفظ؛ مجراىِ طبيعيسى اولان نظمِ معنايه مقابله ايدهرك بلاغتى مشوّش ايتمشدر.
زيرا عجميلر سوءِ إختيار ويا سَوقِ إحتياجله لفظڭ ترتيب و تحسيننه و معانئِ لُغَويهنڭ تحصيلنه داها زياده محتاج اولدقلرندن و ألفاظ، مجرا اولمق جهتيله داها آسان و داها ظاهر و نظرِ سطحىيه داها مونس و هوام گبى عوامڭ نظرلرينى داها جاذبهدار و عوامپرستانه نمايشلره داها مستعد بر زمين اولديغندن، ألفاظه داها زياده صرفِ همّت ايتمشلردر... يعنى نه قدر بر مسافه قطع ايدرسه اوڭلرينه چوق مشعشع صحرالر كنديلرينى گوسترمك شاننده اولان ترتيبِ معانيده اولان تغلغلدن