سنهده اولان چوق نوعلرده اولان برر نوع قيامتِ مكرّرۀِ نوعيه ايله إنسانده بر قيامتِ شخصيۀِ عموميهيه رمز و إشارت، بلكه شهادت ايدر.
٨ - نعم، بشرڭ جوهرنده غيرِ محصور إستعداداتنده مندمج اولان غيرِ محدود اولان قابلياتدن نشئت ايدن ميولاتدن حاصل اولان لايتناهى آمالندن تولّد ايدن غيرِ متناهى أفكار و تصوّراتى؛ ماوراىِ حشرِ جسمانيده اولان سعادتِ أبديهيه ألنى اوزاتمش و مدِّ نظر ايدهرك او طرفه متوجّه اولمشدر.
٩ - نعم، صانعِ حكيم و رحمٰن الرحيمڭ رحمتى ايسه؛ جميع نعمى نعمت ايدن و نقمتلكدن خلاص ايدن و كائناتى فراقِ أبديدن حاصل اولان واويلالردن خلاص أيلهين سعادتِ أبديه يى نوعِ بشره ويرهجكدر. زيرا شو هر بر نعمتڭ رئيسى اولان سعادتِ أبديه يى ويرمزسه، جميع نعمتلر نقمته تحوّل ايدهرك، بِالضروره و