بِالبداهه و عموم كائناتڭ شهادتيله ثابت اولان رحمتى إنكار ايتمك لازم گلير.
ايشته أى برادر!.. متنوّع اولان نعمتلردن يالڭز محبّت و عشق و شفقته دقّت ايت. صوڭره ده، فراقِ أبدى و هجرانِ لايزالى يى نظره آل! ناصل او محبّت، أڭ بيوك مصيبت اولور! ديمك هجرانِ أبدى، محبّته قارشى چيقاماز. ايشته سعادتِ أبديه، او فراقِ أبديهيه اويله بر طوقات وورهجق كه، عدمآباد هيچا هيچه آتاجقدر.
١٠ - نعم، سابق اولان بش مسلگى ايله صدق و حقّانيتى مبرهن اولان پيغمبريمزڭ لسانى، حشرِ جسمانينڭ دفينهسندهكى سعادتِ أبديهنڭ آناختاريدر.
١١ - نعم، يدى جهتله اون اوچ عصرده إعجازى مصدّق اولان قرآنِ معجز البيان، حشرِ جسمانينڭ كشّافيدر و فتّاحيدر و بسملهكشيدر.