ايتمكله، أرواحه تحبّب و طبايعه تسلّط، غايت كثيره و مستمرّه و راسخه و مألوفه اولان عادات و أخلاقِ وحشيانه يى أساسيله هدم ايدهرك، اونلرڭ يرينه أخلاقِ عاليه يى غايت متين بر أساس ايله لحم و دملرينه قاريشمش گبى تأسيس ايتمكله برابر، زاويۀِ وحشتده خامد اولان بر قَومدهكى قساوتِ وحشيه يى إخماد و حسّياتِ دقيقه يى تهييج... أوت، حسّياتِ عاليه يى ايقاظ و جوهرِ إنسانيتلرينى إظهار ايتمكله برابر أَوْجِ مدنيته بر زمانِ قصيرده إصعاد ايدهرك، شرق و غربده اوطورمش بر دولتِ جسيمه يى بر زمانِ قليلده تشكيل ايدوب، آتشِ جوّال گبى بلكه نورِ نوّار گبى وياخود عصاىِ موسى گبى سائر دولتلرى بلع و إمحا درجهسنه گتيرديگندن، بصرِ بصيرتى كور اولميانلره صدقنى و نبوّتنى و حقّ ايله تمسّكنى گوسترمشدر. ايشته أگر سن گورمزسهڭ، سنى إنسانلرڭ دفترندن سيلديرهجكدر.