دردنجى مسلك
صحيفۀِ مستقبلدن، لاسيّما مسئلۀِ شريعتدر. ايشته درت نكتهيى نظرِ دقّتدن دور ايتمهمليسڭ.
برنجيسى: بر شخص درت ويا بش فنده مَلكه صاحبى و متخصّص اولماز. مگر خارقه اوله...
ايكنجيسى: مسئلۀِ واحده، ايكى متكلّمدن صدور ايدر. بريسى، مبدأ و منتهاسى و سياق و سباقه ملايمتنى و أخواتيله نسبتنى و موضعِ مناسبده إستعمالنى، يعنى منبت بر زمينده صرفنى نظره آلديغى ايچون او فنده اولان مهارتنه و مَلكهسنه و علمنه دلالت ايتديگى حالده؛ اوتهكى متكلّم شو نقطهلرى إهمال ايتديگى ايچون سطحيتنه و تقليديتنه دلالت ايدر. حالبوكه كلام ينه او كلامدر. أگر عقلڭ بونى فرق ايتمزسه، روحڭ حسّ ايدر.