جريانِ عمومى ايسه، مخالف حركتده بولونانلرى عدمآباد هيچا هيچه آتاجقدر. ايشته بوڭا بناءً تماشا ايت. گورهجكسڭ كه: خلقتده جارى اولان قوانينِ عميقۀِ دقيقه (كه، خردهبينِ عقل ايله گورولمز) حقائقِ شريعت نه درجهده مراعات و معارفت و مناسبتده بولونمشلردر كه، او قوانينِ خلقتڭ موازنهسنى محافظه ايتمشدر. أوت شو أعصارِ طويلهده شو مصادماتِ عظيمه ايچنده حقائقنى محافظه، بلكه داها زياده إنكشافه گتيرديگندن گوسترر كه؛ رسولِ أكرم عليه السلامڭ مسلگى، هيچ بر وقت محو اولميان حق اوزرينه مؤسّسدر.
شو نكته و نقطهلرى بيلدكدن صوڭره گنيش و محاكمهلى و مدقّق بر ذهنله ديڭله كه: محمّدِ هاشمى عليه الصلاة والسلام اُمّيتى و عدمِ قوّتِ ظاهرهسى و عدمِ حاكميتى و عدمِ مَيلِ سلطنت ايله برابر، غايت خطرلى مواقعده كمالِ وثوق ايله تشبّث ايدهرك أفكاره غلبه