و بعض مفسّر باشقه يرده جبللشمش و بعض مفسّر سدِّ مخفيدر، إنقلاب و أحوالِ عالم ستر أيلمشدر. و بعض و بعض.. ديمشلردر، ديمشلردر... هر حالده مفسدلرڭ دفعِ شرلرى ايچون بر ردمِ عظيم و جسيم بر ديواردر.

امّا يأجوج مأجوج، بعض مفسّر «ولدِ يافثدن ايكى قبيله» و بعض ديگر «مغول و مانچور» و بعض دخى «أقوامِ شرقيۀِ شمالى» و بعض دخى «بنى آدمدن بر جمعيتِ عظيمه، دنيا و مدنيتى هرج و مرج ايدن بر طائفه» و بعض دخى «مخلوقِ إلٰهيدن يرڭ ظهرنده وياخود بطننده آدمى ويا غيرِ آدمى بر مخلوقدر كه قيامته، بويله نوعِ بشرڭ هرج و مرجنه سبب اولاجقدر.» بعض و بعض و بعض ديدكلرينى ديديلر... نقطۀِ قطعيه و جهتِ إتّفاقى بودر: يأجوج و مأجوج، أهلِ غارت و فساد و أهلِ حضارت و مدنيته أجلِ قضا حكمنده ايكى طائفۀِ مخلوق اللّٰهدر.