دييه بر منظوم قطعهدن صوڭره اوزون و محيط بر إستغفار و دعايه گچهرك ختامه ايرر.
اوننجى رساله:
ديگرلرينه نسبتله بيوك اولان بو رسالهده، سوزلردن بعضيلرينڭ خلاصهلريله، متفرّق و مختلف موضوعلردن عبارت إعلملر واردر.
برنجى إعلمنده (وَجَعَلْنَاهَا رُجُومًا لِلشَّيَاطٖينِ) آيتِ كريمهسنڭ تفسيرينى، سماواته چيقمق ايستهين شيطانلرڭ رجم ايديلملرينى يدى باصامق ايله بيان ايدر.
برنجى باصامغنده: سمادهكى سكونت و سكوته و إنتظامه إشارتله دير كه: «سما أهلى، أرض أهلى گبى خيرلرڭ و شرلرڭ قاريشماسندن و ضدلرڭ إجتماعندن ميدانه گلن مناقشه و إختلافات و تذبذب ايچنده دگللردر. بلكه اونلر، كنديلرينه خالقلرى طرفندن أمر ايديلن شيلرى كمالِ إطاعتله ياپان مطيعلردر.»
شيطانلرڭ رجم ايديلملرينى بيان و إثباتدن صوڭره باشقه بر إعلمده (استاديمز) قرآندن إستفاده ايتديگى درت طريقى درت خطوه ايله غايت وجيز بر طرزده ايضاح ايدر. رسالۀِ نورڭ سوزلر قسمنده مفصّل ايضاحى بولونان بو إعلم چوق مهمدر.
ديگر بر إعلمنده، عبوديتڭ مقدّمۀِ مكافاتِ لاحقه دگل، نتيجۀِ نعمتِ سابقه اولديغنى بياندن صوڭره چوق حقيقتلى و گنيش معنادهكى إعلملره گچهرك نورڭ ايلك قپوسنده و كوچك سوزلرده بر درجه مئاللرى بولونان حقيقتلرڭ إيضاحيله بو