گنجلك رهبرينه علاوه ايديلمسى لازم گلن، استاديمزڭ بر فقره‌سيدر
مرسيندن گلن رهبرڭ باش طرفلرنده‌كى «مسئلۀِ مهمّه» نامنده‌كى «يگرمى اوچ و يگرمى دردنجى» صحيفه يى چيقارمق مناسبدر. چونكه نورڭ مهمّ مسلگى شفقت اولماسندن (أرككلردن زياده) هم صميمى، هم إخلاص ايله قادينلر نورلر ايله جدّى علاقه‌دار اولويورلر. بو ايكى صحيفه‌ده‌كى شدّت؛ شفقت قهرمانلرى اولان او مبارك همشيره‌لريمز، اونڭله مشغول اولوب متأثّر اولماسينلر. چونكه بو مسئله؛ إستانبول گبى يرلرده، آچيق صاچيق، ياريم چيپلاق روم، أرمنى قيزلرينه بڭزه‌مگه چاليشان بر قسم إسلام قيزلرينى ايقاظ ايتمك ايچون يازيلمشدر.