هم سنڭ عقلڭ، روحڭ، قلبڭ، طويغولرڭ علوى وظيفهلرينى بيراقوب، سفلى نفسڭ و پيس هوسڭ رذيل ايشلرينه إشتراك و يارديم ايتدكلرندن، أهلِ ايمانه دنياده غلبه ايدرسڭ. و ظاهرده داها سَويملى گورونورسڭ. چونكه سنڭ عقل و قلب و روحڭ غايت درجهده تدنّى و تردّى و سقوط ايدوب، پيس هوس و رذيل نفسه إنقلاب ايتمشلر، مسخ اولمشلر. ألبته بو جهتده، سڭا جهنّمى و مظلوم أهلِ ايمانه جنّتى قزانديران بر موقّت غلبهڭ اولاجق.
❊ ❊ ❊