حالبوكه إستانبولده‌كى، رهبر عليهنده‌كى منافقلر و ماصونلر؛ هم بو آخرده عليهمزده بعض غزته‌لر بو نقطه يه ياڭليش معنا ويره‌رك، بر قسم قادينلرڭ رسالۀِ نوره قارشى اولان علاقه‌لرينى ضعيفلتمك ايچون إفترالرينه مدار اولمش. شيمديلك او ايكى صحيفه چيقاريلسين. يرينه، «قادينلرله محاوره» نامنده‌كى قادينلر رهبرى قونولسون.
سعيد النورسى
❊ ❊ ❊
حاشيه: ناصلكه بر زمان تربيۀِ إسلاميه يه مخالف گيزلى قوميته‌لر، گنجلرى إفساد ايتمگه چاليشدقلرى گبى؛ شيمدى ده بيچاره قادينلرى يولدن چيقارمق ايچون، بعض دينسز و گيزلى قوميته‌لر چاليشييورلر.
بو إفساد قوميته‌لرينڭ إفترالرينه مدار اولمامق ايچون، أللرنده «گنجلك رهبرى» اولانلره يوقاريده‌كى فقره‌دن برر دانه ويريلسين.