دوشويور. چونكه بو جهان حربنده ايكى حكومت كُرۀِ أرضڭ حاكميتى ايچون مرافعه و محاكمه دعواسنده بولونمالرى ايچنده ايكى معظّم دينڭ مصالحه و صلح محكمه‌سنه باريشمق دعوالرى آچيلارق و دينسزلگڭ دهشتلى جريانى ده سماوى دينلر ايله مجادلۀِ عظيمه‌سى باشلاديغى هنگامده، نوعِ بشرڭ سوسيالست طبقه‌سى ايله بورژووالر طائفه‌سنڭ محكمۀِ كبرالرنده آچيلان بيوك دعوالرندن چوق مهمّ اويله بر دعوا آچيلمش و اويله معظّم بر حقيقت ميدانه چيقمش كه، او دعوانڭ تك بر آدمه إصابت ايدن مقدارى بو جهان حربندن داها بيوكدر. ايشته او دعوا ده بودر كه:
شو زمانده هر مؤمن ايچون، بلكه هركس ايچون كُرۀِ أرض قدر بر باقى تارلا و او تارلا باشدن باشه باغچه‌لر و قصرلرله مزيَّن أبدى بر ملك آلمق و او ملكى قزانمق ويا غائب ايتمك دعواسى آچيلمش. ديمك هر بر تك آدمڭ باشنه اويله بر دعوا آچيلمش كه؛ أگر إنگليز و