رسالۀِ نور طلبه‌لرى طرفندن صوريلان
بر سؤاله جواب
«عالمِ إسلامڭ مقدّراتيله جدّى علاقه‌دار اولان بو جهان حربنڭ دهشتلى زمانلرنده، ايكى سنه (شيمدى اون سنه قدر اولدى) نه بزدن و نه ده هر گون خدمتڭزده بولونان أميندن بر دفعه‌جق اولسون صورماديڭز، أهمّيت ويرمديڭز. عجبا بو بيوك حادثه‌دن داها بيوك ديگر بر حقيقت مى حكم ايدييور كه، بونى أهمّيتدن إسقاط ايدييور؛ ياخود اونڭ ايله مشغول اولمانڭ بر ضررى مى وار؟» دييه استاديمزدن صوردق.
او ده الجواب دييور كه: أوت بو جهان حربندن داها بيوك بر حقيقت، داها عظيم بر حادثه حكم ايتديگى ايچون، جهان حربى اوڭا نسبةً چوق أهمّيتسز