بلكه ضررلى ضايع ايتدك. صاقين بزم گبى ياپمايڭز.» دييه‌جكلر. چونكه بش اون سنه‌لك گنجلگڭ غيرِ مشروع ذوقى ايچون، دنياده چوق سنه‌لر غم و كدر و برزخده عذاب و ضرر و آخرتده جهنّم و سقر بلاسنى چكن آدم، أڭ آجينه‌جق بر حالده اولديغى حالده (اَلرَّاضٖى بِالضَّرَرِ لَا يُنْظَرُ لَهُ) سرّيله هيچ آجينمغه مستحق اولاماز. چونكه ضرره رضاسيله گيرنه مرحمت ايديلمز و لايق دگلدر.
جنابِ حق بزى و سزى، بو زمانڭ جاذبه‌دار فتنه‌سندن قورتارسين و محافظه أيله‌سين، آمين...
❊ ❊ ❊