(اوتوز ايكنجى سوزڭ اوچنجى موقفندن)
ايكنجى نقطه‌نڭ ايكنجى مبحثىأهلِ ضلالتڭ وكيلى، طوتونه‌جق و ضلالتنى اوڭا بنا ايده‌جك هيچ بر شى بولامديغى و ملزم قالديغى زمان شويله دييور كه:
«بن، سعادتِ دنيايى و لذّتِ حياتى و ترقّياتِ مدنيتى و كمالِ صنعتى؛ كندمجه، آخرتى دوشونمه‌مكده و اللّٰهى طانيمه‌مقده و حبِّ دنياده و حرّيتده و كندينه گوونمكده گورديگم ايچون، إنسانڭ أكثريسنى بو يوله شيطانڭ همّتيله سَوق ايتدم و ايدييورم.»
الجواب: بز دخى قرآن نامنه دييورز كه: أى بيچاره إنسان ! عقلڭى باشڭه آل ! أهلِ ضلالتڭ وكيلنى ديڭله‌مه ! أگر اونى ديڭلرسه‌ڭ خسارتڭ او قدر بيوك