ايكى طرفنده بيڭلر آچيق صاچيق روم و أرمنى و إستانبوللى قارى و قيزلر ديزيلدكلرى صيرهده، بن و مرحوم مبعوث ملا سيّد طٰهٰ و مبعوث حاجى إلياس ايله برابر قاييغه بيندك، او قادينلرڭ يانلرندن گچييوردق. بنم هيچ خبرم يوقدى. حالبوكه ملا طٰهٰ و حاجى إلياس بنى تجربه يه قرار ويردكلرى و نوبتله بنى ترصّد ايتدكلرينى بر ساعت سياحت صوڭنده إعتراف ايدوب ديديلر: «سنڭ بو حالڭه حيرت ايتدك، هيچ باقمادڭ.» ديدم: «لزومسز، گچيجى، گناهلى ذوقلرڭ عاقبتى ألملر، تأسّفلر اولماسندن ايستهمييورم.»
(تاريخچۀِ حياتدن)
❊ ❊ ❊