خانهسنى «مدرسۀِ نوريه اولارق» رسالۀِ نوره وقف ايتمشدى. شيمدى اونى متعاقب هم إسپارطه و جوارى قضالرى و بعض كويلرنده، هم دياربكر و شرقده نور درسخانهلرى آچيلمقدهدر.
بو صورتله او درسخانهلرده نورلرڭ اوقونماسى و نورلرله مشغوليته دوام ايدنلره و درس آلانلره طلبۀِ علوم شرفنى قزانديرمقدهدر. طلبۀِ علومڭ ايسه عادى حركاتى، حتّى اويقوسى دخى عبادت حكمنه گچديگنى بعض بيوك مجتهدلر بيان ايتمشلر.
ثالثًا: نورلرڭ راديو ديليله آناطولى و عالمِ إسلامه إنتشارينڭ ايلك مقدّمهسى، مبارك ليلۀِ برائته توافق ايتمهسى، بو وطن و عالمِ إسلام حقّنده رسالۀِ نور لهنده بيوك بر خيرڭ علامتى و إشارتيدر.
اَلْبَاقِى هُوَ الْبَاقِى
قارداشلريڭز
طاهرى، زبير، صونغور، جيلان، بايرام
(حاشيه): بو مكتوب عين زمانده تلغرافله ويا مكتوبله استاديمزڭ ليلۀِ برائتلرينى تبريك ايدن قارداشلريمزه جوابدر.
* * *