چونكه او رموزات و توافقاته، يگرميدن آنجق بريسى محتاج اولور، آڭلار. ايچندهكى اوتهكى رسالهلره يگرميدن اون طوقوزى محتاج اولوب آڭلايهبيلير.
......
بورادهكى نور شاكردلرى دييورلر كه: «معجزهلى قرآنمزه اوچ سنه دڭزليلى قارداشلريمز باقديلر؛ اونلر مساعده ايتسينلر، بز ده اوچ آى باقهجغز. هم بورادن إستانبوله مخابره ايدوب فوطوغرافله حزبِ نوريه، حزبِ قرآنيه گبى طبعنه چاليشهجغز.»
* * *
إستانبولدهكى آمريقا سفيرى واسطهسيله آمريقادهكى مسلمان هيئتنه ذو الفقارى و بر عصاىِ موسىيى گوندرمسنى ايستهين او دوستمز و قارداشمزه دييڭز كه: سفيرلرڭ قفاسى سياستله مشغول اولديغندن و رسالۀِ نور سياستله علاقهسى اولماديغندن، سياسى بر قفا چابوق تقدير ايدهمييور. هم رسالۀِ نور، مشتريلرى آراماز؛ مشتريلر اونى آرامالى، يالوارملى. آمريقا، بورانڭ أڭ كوچك بر حوادثنى مراقله تعقيب ايتديگى حالده؛ بورانڭ أڭ بيوك بر حادثهسى اولان رسالۀِ نورى ألبته آرايهجقدر. بوندن صوڭره هر مسئلهمزده أمر، رسالۀِ نورڭ شخصِ معنويسنى تمثيل ايدن خاص شاكردلرڭ و سزلرڭدر. بنم ده شيمدى بر رأيم وار.
عموم قارداشلريمزه بيڭلر سلام و سلامتلرينه دعا ايدن و دعالرينى ايستهين قارداشڭز...
* * *