الخ. آيتڭ قدسى حرفلرينڭ مجموع عددى اولان (يوز طقسان اوچ) عددينه بو (يوز طقسان اوچ) ألفڭ توافقى ألبتّه تصادفى دگلدر.
لطيفدر كه: (وَالْبَعْثُ بَعْدَ الْمَوْتِ حَقٌّ) ركنِ ايمانيهنڭ أوّلى اولان دنيانڭ ئولمسنى آخركى آيت خبر ويرييور. و او ركنڭ آخرى اولان إحياىِ أمواتى برنجى آيت خبر ويرييور. اويله ده (البَعْثُ بَعْدَ الْمَوْتِ حَقٌّ) جملهسنده عيناً أوّلِ كلمه آخرى، آخرِ كلمه أوّلى گوسترييور. هم ينه حشرى و إحيايى درس ويرن و خاتمهده مذكور اولان
﴿مَا خَلْقُكُمْ وَلَا بَعْثُكُمْ اِلَّا كَنَفْسٍ وَاحِدَةٍ اِنَّ اللهَ سَمٖيعٌ بَصٖيرٌ﴾
آيتيله و قيامتڭ زلزلۀ كبراسنى درس ويرن و آخرده هم اوننجى سوزڭ هم يگرمى طوقوزنجى سوزڭ آخرنده ذكر ايديلن (اِذَا زُلْزِلَتِ الْاَرْضُ زِلْزَالَهَا) سورهسنڭ ملفوظ قدسى حروفاتنڭ عددى اولان (يوز طقسان درت) ده بر تك فرق ايله بو ألفلرڭ (يوز طقسان اوچ) عددينه توافق ايتمسى، سابق توافقه تام توافق ايتمكله؛ هم اونلرى تأييد ايدييور، هم ده اونلرله تأيّد ايدييور.
ينه بو سوزڭ توافقاتِ لطيفهسندندر كه: ألفلر ايله سطرلرڭ مجموع عددى اولان (طوقوز يوز طقسان سكز) رسالت النور، شدّهلى نون ايكى نون صاييلمق شرطيله عيناً طوقوز يوز طقسان سكزده توافق ايتديگى گبى؛ بو ايكى توافق، مشهور بر سرِّ عظيمِ بسملهنڭ (حاشيه) مقامِ أبجديسى اولان طوقوز يوز طقسان
___
(حاشيه): أوت أڭ أوّل نازل اولان سورۀِ علقڭ باشنده (اِقْرَأْ بِاسْمِ) أمرينڭ دلالتيله قرآندهكى بتون بِسْمِ اللّٰهِ لرڭ قاعدۀِ صرفيهجه متعلّقى (اِقْرَأْ) كلمهسيدر. بو (اِقْرَأْ) أمرى قرآن إعتباريلهدر. بز (بِسْمِ اللّٰه) ديسهك (اِقْرَأْ) كلمهسنى (اَقْرَاُ) اولارق متكلّم وحده صيغهسيله اوقوياجغز. اوقومق ايشنده هر بسملهنڭ باشنده بو (اَقْرَاُ) معناسى مقدّردر. ايشته بسملۀِ شريفهنڭ متعلّقِ مقدّرى اولان (اقرأ) ايله و شدّه و غيرِ ملفوظلر صاييلمامق شرطيله مقامِ أبجديسى سرّلى و مشهور اولان (طوقوز يوز طقسان طوقوز) عدديدر.