اوننجى سوزڭ كرامتكارانه لطائف توافقيهسندندر كه: مطبوع نسخهسنده أكثريتِ مطلقه ايله صحيفهلرڭ الف عددنده توافقلرى اولديغى گبى، بر ايكى مستثنا اولارق متباقيسى مدارِ توافق اولان (اوچ، درت، بش، آلتى) (حاشيه) عددلر دخى ينه معنيدار اولارق هر بريسى بربريله اون اوچده توافق ايتديگى مثللو چوق سرلر وار. بو كرّه او مطبوع نسخهدن هيچ بر توافقى تعقيب ايتميهرك حافظ علينڭ (رح) يازديغى اوننجى سوزده كندى كندينه گلن صحيفهلرڭ سطرلر باشندهكى ألفلر، يالڭز بر تك صحيفه مستثنا اولارق بتون صحيفهلر بربرينه توافق ايتمك ايله برابر، ألفلرڭ مجموعى (يوز طقسان اوچ) ايدهرك هم بو اوننجى سوزڭ إسمى اولان اوننجى سوز عددِ أبجديسنه تام تامنه توافق ايتديگى گبى، اوننجى سوزڭ مؤلّفنڭ ايكنجى إسمى اولان (بديع الزمان) إسمنڭ بر فرق ايله عددِ أبجديسنه توافقنى گوردك.
و بو توافق معنيدار اولديغنه لطيف بر أمارهسى ده شودر: رسالۀ نورڭ ايكى طلبهسى (بو سرّ تظاهر ايتمزدن أوّل) عجبا بو ألفلرڭ عددنده بر معنا وار مى دييه دوشونوركن، هر ايكيسنڭ قلبلرندن لسانلرينه اوننجى سوز كلمهسى بردن عين آنده گلمهسى ايله، ايكى قلبڭ و ايكى لسانڭ توافقى تقويه ايدييور.
بو (يوز طقسان اوچ) عددينڭ ايكنجى معنيدار توافقى ده شودر كه: حشرى درس ويرن باشدهكى (فَانْظُرْ اِلٰى اٰثَارِ رَحْمَتِ اللّٰهِ) الخ. آيتڭ و آخرنده قيامتى و قيامتڭ دهشتنى درس ويرن (يَا اَيُّهَا النَّاسُ اتَّقُوا رَبَّكُمْ)
___
(حاشيه): مرحوم حافظ علىنڭ نسخهسنڭ مدارِ توافقى (بر، ايكى، اوچ، درت، بش) ده غالبدر.