اونڭ علمنى إحاطه ايتمكدن عاجزز!» بو صورتله او يوكسك عالملر، استاديمزڭ فضيلتنى و رسالۀ نورڭ كمالاتنى گوسترمشلردر.
بديع الزمان، أثرلرنده همان بتون بيوك مؤلّف و أديبلردن فرقلى اولارق لفظدن زياده معنايه أهمّيت ويرمشدر. معنايى لفظه فدا ايتمهمش، لفظى معنايه فدا ايتمشدر. اُسلوبده اوقويوجينڭ بر نوع هوسنى نظره آلمامش، حقيقتى و معنايى أساس طوتمشدر. وجوده ألبسهيى ياپاركن وجوددن كسمهمش، ألبسهدن كسمشدر. رسالۀِ نوردهكى عقلى، قلبى، روحى و وجدانى جلب ايدن و حقيقته رام ايدن او إلٰهى جاذبهدندر كه؛ چولوغى چوجغى، گنجى إختيارى، عوامى خواصّى او نوره قوشويورلر و او جاذبهدار نورڭ پروانهسى اولويورلر. بو حقيقتڭ پارلاق بر مثالى اولارق گنيش بر طلبه كتلهسى، آز زمانده دين دشمنلرينى تيترهتن بر حاله گلمشدر.
رسالۀِ نورڭ هر جهتدن اولديغى گبى أدبى جهتدن ده قيمت و أهمّيتنى إفاده ايتمك، أديبلرڭ خصوصًا بزلرڭ بيڭ درجه حدّندن اوزاقدر. بو خصوصدهكى قارينجه قرارنجه اولان سونوك، فقط صميمى و حقيقتلى إفادهلريمز، رسالۀِ نوردن گورديگمز عظيم إستفادهيه مقابل صوڭسز بر منّت و شكرانمزڭ إفادهسندن عبارتدر. يوقسه بو موضوعلرده صاحبِ صلاحيت و صاحبِ إختصاص، آنجق و آنجق رسالۀ نورڭ كندى مؤلّفى اولابيلير.
رسالۀِ نور، بو عصرڭ إحتياجنه تام جواب ويرن يگانه تفسيرِ قرآنى اولديغى، أنانيتنى حقّه فدا ايدن فضيلتپرور إسلام علماسى طرفندن تصديق و فوق العاده بر شكلده تقدير و تحسين ايديلمش و ايديلمكدهدر. أللى سنه أوّل بديع الزمان سعيد النورسىنڭ تأليفاتندهكى خصوصيتلر و بر بحرِ عمّان گبى اونڭ علمى دهاسيدر