حكمنه گچديگنه قناعت گتيرمشلردر. اوتوز سنهلك بو نوع حادثاتڭ و بو نوع تأثيراتڭ نتيجهلرى، بو ملّتِ إسلاميه مواجههسنده ميداندهدر.
ايشته رسالۀِ نورڭ يڭى و مشتاق طلبهلرى اولان قارداشلريمز! سزلر ده بويله بر استادڭ و بويله بر أثرڭ طلبهلرى اولديغڭزدن سزلرڭ ده بو ثمرهلره و ميوهلره مظهر اولوب نورلره داها زياده صاريلارق، حرارت و إشتياقڭز داها فضله زيادهلشمش اولارق نورلرى ثبات و صداقتله اوقومق درجهسنه نائل اولاجغڭزدن، هم سزلرى روح و جانمزله تبريك ايدييورز، هم سزلره بيڭلر سلام و دعالر ايدوب دعالريڭزى بكلهيورز.
* * *
نورلره اولان تعرّضلرڭ بر ضررى اولسه يگرمى فائدهسى واردر. ألبته يگرمى قزانجه قارشى بر ضرر هيچ حكمندهدر. تعرّضلر آنجق و آنجق نورڭ نشريات و فتوحاتنڭ گنيشلمهسنه، إنكشافنه سببدر و ملّتِ إسلاميه نظرنده إعتماد و أمنيت قزانماسنه مداردر. رسالۀِ نورڭ آناطولى گنيشلگنده و عالمِ إسلام وسعتنده و آوروپا و آمريقا چاپندهكى مادّى و معنوى تأثيرات و فتوحاتنه و نشرياتنه شاهد اولان إسلاميت دشمنلرى ينه بعض تعرّضلر ياپمشلر. آلديغمز خبرلره گوره بو تعرّضلردن صوڭره، خصوصًا شرق ولايتلرنده، أسكيسنه نظرًا نورڭ فتوحاتى اون گون ايچنده اون مِثلى فضلهلشمش. هم بويلهلكله خلقڭ نظرِ دقّتى رسالۀِ نوره و استاديمزه چوريلمش؛ اويويانلر اويانمش، تنبللر حركته گلمش، إحتياطسزلر إحتياطه موفّق اولمشلردر. بو آجى تعرّضلر گلوب گچيجى اولمقله برابر، صِرف بر قورقو و أوهام يايمق قصديله ياپيلان وسيلهلر و دسيسهلى مانورهلردر. أحمق دين دشمنلرى گويا نور طلبهلرينى قورقوتمق سوداسيله رسمى كيمسهلرى آلداتوب تحريك و آلَت ايتمگه