إسلاميت دشمنلرينڭ ياپدقلرى تعرّض و خلافِ حقيقت منفى پروپاغندهلرينه مقابل، اونورسيته نور طلبهلرينڭ بر آچيقلاماسيدر:
عزيز، صدّيق قارداشلريمز!
إمتحان و غزاڭز گچمش اولسون دير، سزى تبريك ايدرز. رسالۀِ نورڭ تحقيقى ايمان درسلريله ايمان مرتبهلرنده ترقّى و تعالى ايدوب قوّتلى ايمانى ألده ايدن نور طلبهلرى ايچون اويله تعرّضلر، بر جهتدن بر إمتحاندر و كومورله ألماسى تفريق ايدن بر محنكدر. نور طلبهلرى ايچون اللّٰهه ايمان، پيغمبره إتّباع و قرآنِ كريمله عملدن طولايى حپسلر بر مدرسۀِ يوسفيهدر. ظلم و إشكنجهلر برر قامچى، برر پرچيندر. قدرِ إلٰهى بزه او هجوملرله إشارت ويرييور كه: «هايدى طورمه چاليش!» قرآن و ايمان خدمتى اوغرنده محكمهلرده قونوشمق، نور طلبهلرينجه بر دوستى ايله صحبت ايتمكدر. قرهقوللره گوتورولوب گتيريلمك، چارشو پازاره گيدوب گلمكدن فرقسزدر. كلبچهلر، دينى جهادِ أكبرڭ برر آلتون بيلهزيگيدرلر. بشرڭ ظلمًا محكوم ايتمهسى ايسه، حقيقتده حقّڭ برائت ويرهجگنه بر دليلدر. بتون اويله إشكنجه و ظلملر، نور طلبهلرى ايچون برر شرف مادالياسيدر. نه موطلى كه، اوتوز سنهدن بَرى نور طلبهلرى آغابگلريمز بو نعمتلره مظهر اولمشلر. مع الأسف بزلره كه، بزلر بو شرفلره نائل اولامدق و اولاميهجغز ده. زيرا بونلرى قزانديران دَور قپانمق اوزرهدر.
رسالۀِ نور، بو وطن و ملّته أمنيت و آسايشى تأمين ايدن و قلبلره برر ياساقجى بيراقان ايمانى بر أثردر. إسلاميت دشمنلرينڭ تحريكاتيله اولان متعدّد محكمهلرده رسالۀِ نوره برائتلر ويريلمش، تمييز محكمهسى إتّفاقله برائت قرارينى تصديق ايدهرك رسالۀِ نور دعواسى قضيۀِ محكمه حالنى آلمشدر. يگرمى بش محكمه ده «رسالۀِ