گوزل بر طرزده و گورنلرڭ تقديرينه مظهر اولمش بر بيانى چوروك گورمك و إعتراض ايتمك بر جهالت، بر خطا اثريدر.
٧٩، ٨٠. گيزلى جمعيت قورديغى و دين پردهسى آلتنده أمنيتى بوزمق مقصديله كتاب و مكتوبلرڭ واسطهلرله گوندريلمش اولماسى.
ج - اوچ محكمه گيزلى جمعيت نقطهسنده برائت ويرمهسى و بش اون ولايتڭ ضابطهلرى هيچ ايليشمهمسى و إعتراضنامهمده ردّينه دائر يوز حجّت گوستريلمهسيله برابر بويله اون بش صحيفهده اون بش دفعه تكرارى اون وجهده خطادر.
٨١. بشنجى شعاعڭ تأويللرى ياڭليشدر.
ج - بونڭ و سائر بتون تنقيد و إعتراضلرينڭ جوابلرى إعتراضنامهمڭ آخرنده قطعى بر صورتده ذكر ايديلمهسندن قيصه كسييورز.
* * *