كيفيتدهدر. چونكه بلكه بتون دنيايه مخالف اولارق فقرِ حاليله برابر عزّتِ شريعة إلهيه و عزّتِ علميهيى محافظه ايچون ئولومدن بتر مصيبتلره قارشى گوگس گرن و تحمّل ايدن رسالۀِ النور مؤلّفى اولديغى گبى؛ زمينده و سماواتده حكمتله تصرّفاتڭ معمّاسنى آچان ينه رسالۀِ النور اولديغى صادق و مصدّقدر. بو قوّتلى مناسبتِ معنويهيى تأييد ايدن بر أمارهسى شودر كه:
(اُولُوا الْعِلْمِ) مقامِ جفريسى ايكى يوز اون درت (٢١٤) اولوب، رسالۀِ نورڭ بر إسمى اولان «بديع الزمان»ڭ (شدّهلى «ز»، لامِ أصلى صاييلير) مقامى اولان ايكى يوز اون درده (٢١٤) تام تامنه توافقى و مؤلّفنڭ حقيقى و دائمى إسمى اولان ملا سعيدڭ مقامى اولان ايكى يوز اون بشه (٢١٥) بر تك فرقله توافقى، ألبته بو كلمۀِ قدسيهنڭ هر عصره باقديغى گبى، بو عصره ده مدارِ نظر بر فردى رسالۀِ نور اولديغنه بر أماره اولديغى گبى؛ (وَ اُولُوا الْعِلْمِ قَٓائِمًا بِالْقِسْطِ) (اوقونميان واو و ايكنجى همزه صاييلماز) مقامى اولان آلتى يوز بر (٦٠١) عدديله، رسالۀِ نورڭ بش يوز طقسان طوقوز (٥٩٩) مقامنه و رسائل النور مقامنه يالڭز ايكى فرقله، ايكى إسمنه توافقى دخى بر أماره اولديغى و (شَهِدَ اللهُ اَنَّهُ لَٓا اِلٰهَ اِلَّا هُوَ وَالْمَلٰٓئِكَةُ وَاُولُوا الْعِلْمِ) جملۀِ توحيديۀِ قدسيهنڭ مقامِ جفريسى و أبجديسى اولان بيڭ اوچ يوز آلتمش (١٣٦٠) عدديله (حاشيه) تام تامنه بو عجيب عصيان، طغيان و تمرّد عصرينڭ، بو غريب كفران و غليان و إلحاد زماننڭ بو سنهسنه و بولونديغمز بو تاريخه توافقى و تطابقى ألبته قوّتلى بر أمارهدر كه؛ بو پك بيوك و گنيش و عام اولان توحيد و شهادتڭ مدارِ نظر أهمّيتلى أفرادى و
___
(حاشيه): اوقونميان ايكى همزه صاييلماز.