(وَبَشِّرِ الْمُؤْمِنٖينَ بِاَنَّ لَهُمْ مِنَ اللّٰهِ) جملهسى، شدّه صاييلمق جهتيله مقامِ جفريسى بيڭ اوچيوز أللى طوقوز (١٣٥٩) تاريخنى گوسترمكله بو عصريمزڭ تام بولونديغمز بو سنهسنه باقهرق أهلِ ايمانه بر بيوك إحسانى وار دييه معناىِ رمزيله خبر ويرييور. بز باقييورز، بو زمانده أڭ بيوك إحسان، ايمانى قورتارمقدر. و گورويورز، ايمانى خارقه برهانلر ايله قورتاران باشده رسالۀِ النوردر. ديمك بو زمانه نسبةً بر «فضل كبير» اودر. بو إشارتى قوّتلنديرن شودر:
(فَضْلًا كَبٖيرًا) دهكى (حاشيه) (فَضْلًا) كلمهسى طوقوز يوز آلتمش (٩٦٠) ايدوب رسالۀِ نورڭ بو إسمى، إضافهدن توصيف طرزينه گچمكله «رسالة نوريه» اولوب، طوقوز يوز آلتمش عددينه معنيدار ايكى فرقله توافقى، اونڭ باشنه رمزًا و ايماءً پارمق باصماسيدر.
* * *
___
(حاشيه): هم بوراده (فَضْلًا) كلمهسى رسالة نورڭ مقامنه قوّتلى توافقى و متعدّد آيتلرده (ذٰلِكَ فَضْلُ اللهِ يُؤْتٖيهِ مَنْ يَشَٓاءُ) دهكى (فَضْلُ اللّٰه) كلمهسى شدّه صاييلمازسه طوقوز يوز قرق يدى (٩٤٧) ايدهرك رسالة نورڭ مقامِ جفريسى اولان طوقوز يوز قرق يدى (٩٤٧) عددينه تام تامنه توافقى و تطابقى، إشارت درجهسندن بر رمزدر كه؛ رسالت نور بو بيڭ اوچيوز أللى طوقوز (١٣٥٩) تاريخنده بر (فضل كبير) در و بر (فضل اللّٰه) در و هر ايكى آيتده بر مدارِ نظردر و قصدًا داخلدر. (اَللّٰهُ اَعْلَمُ بِالصَّوَابِ)
رسالۀِ نور شاكردلرندن
حلمى