مقدّماتنه باقهرق،
(وَدَاعِيًا اِلَى اللّٰهِ) (حاشيه ١) كلمهسى رسالۀِ نورڭ بر إسمى اولان بديع الزمانڭ يوز طقسان بر (١٩١) عددينه تام تامنه توافقله ايما ايدر كه؛ رسالۀِ النور دخى، او إنخساف ايچنده بر «داعى إلى اللّٰه»در.
(بِاِذْنِهٖ وَسِرَاجًا مُنٖيرًا) (حاشيه ٢) كلمهسى ايسه تام تامنه رسائل النورڭ بر إسمى اولان «سراج النور»ه لفظًا و معنًا و جفرًا توافقله باقار. (مُنٖيرًا) دهكى (م، ى)، (اَلنُّور) دهكى شدّهلى «نون»ه مقابلدر. أوت إمامِ على (رض) كرامتِ غيبيهسنده رسالۀِ نوره «سراج النور» نامنى ويرمهسى، بو آيتڭ بو فقرهسندن ملهمدر دينيلهبيلير و چكينميهرك ديرز.
___
(حاشيه ١): (وَدَاعِيًا اِلَى اللهِ) كلمهسى، رسالۀِ نورڭ بر إسمى اولان بديع الزمانڭ مقامنه تام تامنه توافقى و معنًا مطابقتى اولديغى گبى، يالڭز (وَدَاعِيًا) كلمهسى ده، رسالۀِ نورڭ ترجمانى اولان سعيد إسمنه اوچ حرف ايله إتّحاد و اوچ فرقله توافق ايدر. چونكه تنوين و ألف و واو مجموعى أللى يديدر. «سين»دن اوچ فرق وار.
(حاشيه ٢): (بِاِذْنِهٖ وَسِرَاجًا مُنٖيرًا) بيڭ اوچيوز اوتوز (١٣٣٠) ايدهرك رسالۀِ نورڭ فاتحهسى اولان إشارات الإعجاز تفسيرينڭ ظهورينه توافقى و (بِاِذْنِهٖ) دهكى ملفوظ «ى» صاييلسه بيڭ اوچيوز قرق (١٣٤٠) ايدوب، رسالۀِ نورڭ ظهورينه تطابقى و برنجى تنوين وقف اولماديغندن «نون» صاييلسه، بيڭ اوچيوز سكسان (١٣٨٠) ايدهرك رسالۀِ نورڭ او تاريخده إن شاء اللّٰه كُرۀِ أرضى ايشيقلانديرهجق بر سراجِ نورانى اولاجغنه بر رمزِ قرآنيدر.
رسالۀِ نور شاكردلرندن
تحسين