خليل إبراهيمڭ منظومهسيدر
﴿بِاسْمِهٖ سُبْحَانَهُ وَاِنْ مِنْ شَىْءٍ اِلَّا يُسَبِّحُ بِحَمْدِهٖ﴾
﴿اَلسَّلَامُ عَلَيْكُمْ وَرَحْمَةُ اللّٰهِ وَبَرَكَاتُهُ اَبَدًا دَائِمًا﴾
ذرّهمزى فرطِ شفقتڭله شمسِ أنواريڭه دوشوردڭ،
جهلمزله أنانيتمزى ديارِ عرفانڭه دوشوردڭ.
معدنِ نحاسمزى پوتۀِ فرقانه دوشوردڭ،
حيفا كه، او پوتهده زنّارِ إنكاريمزى دوشوردڭ.
سراىِ كعبۀِ عليايه ايروب طولِ أملمزى دوشوردڭ،
مقامِ نورِ توحيده واروب خوابِ خيالمزى دوشوردڭ
حرمگاهِ إلٰهيده سُوَيدَاى حجرهسنه يوكمزى دوشوردڭ،
هيئتِ صورتنڭ درونندهكى معنايه گوڭلمزى دوشوردڭ.
تا أزل صباحنده وحدت نغمهسنى ايشيتدڭ،
ليلاىِ زمان قيس ايله بر دمده گوروشدڭ.
دوست إقليمنڭ لالهسنڭ باغلرينه ايريشدڭ،
وحدت ساقئ مدادينى (سَقٰيهُمْ) كوثرينه دوشوردڭ.