«بر پيرهنڭ معدهسنى تنظيم ايدن، منظومۀِ شمسیهيى دخى او تنظيم ايتمشدر.»
«بر ذرّهيى ايجاد ايتمك ايچون، بتون كائناتى ايجاد ايدهجك بر قدرتِ غيرِ متناهى لازمدر. زيرا شو كتابِ كبيرِ كائناتڭ هر بر حرفنڭ، باخصوص ذىحيات هر بر حرفنڭ، هر بر جملهسنه متوجّه برر يوزى و ناظر برر گوزى واردر.»
«طبيعت، مثالى بر مطبعهدر، طابع دگل. نقشدر، نقّاش دگل. مسطردر، مصدر دگل. نظامدر، ناظم دگل. قانوندر، قدرت دگل. شريعتِ اراديهدر، حقيقتِ خارجيه دگل.»
«ثابت، دائم، فطرى قانونلر گبى روح دخى؛ عالمِ أمردن، صفتِ إرادهدن گلمش و قدرت اوڭا وجودِ حسّى گيديرمشدر. بر سيّالۀِ لطيفهيى، او جوهره صدف ايتمشدر.»
و هكذا بيڭلر وجيزهلر وار.
اَلْبَاقِى هُوَ الْبَاقِى
اونورسيته نورجيلرى نامنه، دعاڭزه چوق محتاج
مصطفى رمضان اوغلى
* * *