محاسننى موازنت ايدوب هر بر فرعى بر غرضه سَوق و هر بر وجهى بر وظيفهيه تعيين ايدر.
﴿فَانْظُرْ اِلٰى قِصَّةِ مُوسٰى فَاِنَّهَا اَجْدٰى مِنْ تَفَارٖيقِ
الْعَصَا اَخَذَهَا الْقُرْاٰنُ بِيَدِهَا الْبَيْضَاءِ فَخَرَّتْ
سَحَرَةُ الْبَيَانِ سَاجِدٖينَ لِبَلَاغَتِهِ﴾
أوت قصّۀِ موسى مشهور ضربِ مثلدهكى تفاريق العصادن داها نافعدر. ناصل او عصا نه قدر پارچهلانسه ينه بر ايشه يارار. قصّۀِ موسى دخى اويلهدر. بو خاصيتنه بناءًدر كه، قرآن يدِ بيضاءِ معجز البيانيله او قصّه يى آلدى و صُوَرِ متعدّدهده گوستردى. هر بر جهتى حسنِ إستعمال ايتدى. فنِّ بيانڭ سَحَرهسى، بلاغتنه سجده بَرْ زمينِ حيرت و محبّت ايتديلر.
أى برادر! بو مسئلهده اولان خيال ميال بلاغت، بو أساليب ايله سڭا اويله بر شجره يى ترسيم ايدر كه؛