و اونڭ دانهسى اوزرنده سنبللنمك گركدر. فقط هر دانهنڭ مخصوص بر سنبلى واردر. بر بغداى بر آغاج قدر سنبللنمز. فلسفۀِ بيان نظره آلينماز ايسه؛ بلاغت خرافات گبى، خيال غول گبى سامعه حيرتدن باشقه بر فائده ويرمز.
إشارت: فلسفۀِ بيانيهيه مشابه، نحوڭ دخى بر فلسفهسى واردر. او فلسفه ايسه، واضعڭ حكمتنى بيان ايدر. كتبِ نحوده مذكور اولان، مناسباتِ مشهوره اوزرينه مؤسّسدر. مثلا بر معموله ايكى عامل داخل اولماز. و «هَلْ» لفظى فعلى گورديگى گبى صبر ايتمز، وصال ايستر. هم فاعل قوّتليدر، قوى اولان ضمّه يى كندينه غصب ايدهر. مثلا، خارج و كائناتده جارى اولان قانونلرڭ برر عكسِ مثاليسيدر.
تنبيه: بو مناسباتِ نحويه و صرفيه اولان حكمتِ واضع ايسه؛ فلسفۀِ بيان درجهسنده اولماز ايسه ده، پك