كلمه اونى دروننه چكر. بعضًا بر جملهيه بلكه بر قصّته نفوذ ايدر. نه وقت او جمله يى أزديررسهڭ روح گبى او معنا تقطّر ايدر. مثلا حسرت و إشتياق و تمدّح و تأسّف إلى آخر.. گبى معنالردر...
يدنجى مسئله
بلاغتڭ عقدۀِ حياتيهسى، تعبيرِ ديگر ايله بيانڭ فلسفهسى وياخود شعرڭ حكمتى ايسه؛ خارجياتڭ نواميسى و مقاييسنى تمثّل ايتمكدر. شويله: حقائقِ خارجيهدهكى قانونلرى قياسِ تمثيلى جهتيله و دوران طريقيله و وهمڭ تصرّفيله شاعرانه اولان معنويات و أحوالده يرلشديرمكدر. ديمك آيينه گبى، خارجدن إنعكاس ايدن حقيقتڭ شعاعلرينى تمثّل ايدر. گويا كندى صنعتِ خياليهسيله و نقشِ كلاميسيله خلقت و طبيعتى تقليد و محاكات ايدر. أوت كلامده حقيقت اولماز ايسه ده، أڭ أقلّ شبيه و نظامندن إستمداد ايتمك