دردنجى مسئله
كلامڭ قوّت و قدرتى ايسه؛ كلامڭ قيوداتى بربرينه جواب ويرمك و كيفياتى بربرينه معاونت ايتمكله عمومًا (قارنجه قدرنجه) أصل غرضه إشارت و هر برى پارمغنى مقصد اوزرينه بيراقمق ايله (عِبَارَاتُنَا شَتّٰى وَحُسْنُكَ وَاحِدٌ وَكُلٌّ اِلٰى ذَاكَ الْجَمَالِ يُشٖيرُ) دستورينه تمثال اولمقدر. ديمك قيودات زَنْ آوْ گبى وياخود درهلر گبى.. مقصد ايسه اورتهلرندن إستمداد ايديجى بر حوض گبى اولمق گركدر.
الحاصل: ذهنڭ شبكهسى اوستنده ترسيم اولونان و نظرِ عقل ايله آلينان صورتِ غرض، مشوّش اولمامق ايچون، تجاوب و تعاون و إستمداد لازمدر.
إشارت: بو نقطهدن إنتظام نشئت ايتمكله، تناسب تولّد ايدوب حسن و جمال پارلار. أگر ايسترسهڭ ربِّ