تنبيه: بو شعرى گوزل گوسترن، ايچندهكى خيالڭ حقيقته بر درجه مشابهتيدر. زيرا ياغمور گجكسه صوڭره گلسه طوپراق فِظْوِظْ گبى بر صوتى چيقارتارق صوينى چكر. بو حالى گورن گچلگنه و شدّتِ إحتياجنه إنتقال ايتديگندن، مشهور دورانڭ سرّيله و توهّمڭ تصرّفاتيله بر معاشقه و مكالمه صورتنه إفراغ ايدر.
إشارت: هر بر خيالده بو چِظْنُوكْ گبى بر دانۀِ حقيقت بولونمق شرطدر...
اوچنجى مسئله
كلامڭ ألبسۀِ فاخرهسى وياخود جمالى و صورتى، اُسلوب ايلهدر. يعنى قالبِ كلام ايلهدر. شويله كه: يا دقّتِ نظر ويا توغّل ويا مباشرت ويا صنعتڭ تلقحيله خيالده تولّد ايدن تمايلاتڭ خصوصياتندن تشكّل ايدن صورتلردن تركّب ايدن إستعارۀِ تمثيليهنڭ پارچهلرى تلاحق ايتدكلرندن تنوّر و تشرّب و تشكّل ايدن