چوق جهاتدن مائله و منحنيهدر. يعنى: نه قدر صورةً و مادّةً و لفظًا و معاشًا منتظمهدر؛ فقط سيرةً و معنوياتًا و معنًا فاسده و مختلّهدر.
أى برادر!.. ايشته صيره اوچنجى جهته گلدى. ايى تفكّر ايت! شويله: أخلاقدهكى إفراط و تفريط ايسه، إستعداداتى إفساد ايدييور. و شو إفساد ايسه عبثيتى إنتاج ايدر. و شو عبثيت ايسه؛ كائناتڭ أڭ كوچك و أڭ أهمّيتسز شيلرنده مصالح و حكمڭ رعايتيله، عالمده حكمفرمالغى بديهى اولان حكمتِ إلٰهيهيه مناقضدر.
وهم و تنبيه: «مَلكۀِ معرفتِ حقوق» ديدكلرى، هر فنالغڭ مادّةً ضررينى إحساس ايده ايده و أفكارِ عموميه يى ايقاظ ايتمكله حاصل اولان «مَلكۀِ رعايتِ حقوق» ديدكلرى أمرى، شريعتِ إلٰهيهيه بدل اولارق دينسزلرڭ تصوّرى و شريعتدن إستغنالرى بر توهّمِ باطلدر. زيرا دنيا إختيارلندى. اويله بر شيئڭ مقدّماتى