و قوانين ديدكلرى شى، هر برى شو شريعتڭ برر مسئلهسيدر. فقط او شريعتدهكى أحكامڭ إستمرارينه إستنادًا، هم ده خيالى حقيقت صورتنده گورن و گوسترن نفوسڭ إستعدادلرى بر زمينِ شوره مهيّا ايتمهسيله وهم و خيال تسلّط ايدهرك تضييق ايدوب شو طبيعتِ هوائيه توضّع و تجسّم ايدوب موجودِ خارجى و خيالدن مثال صورتنه گيرمشدر. أوت شونڭ گبى، وهمڭ چوق حيلهلرى واردر.
إشارت: شو طبيعت و قواىِ عموميه تسميه ايتدكلرى أمرلر، قطعيًا عقلى إقناع ايدهجك و فكره كندينى بگنديرهجك و نظرِ حقيقت اوڭا اُنسيت ايدهجك هيچ بر ملايمت و مناسبت يوق ايكن و شو كائناته علّت و مصدر اولمغه قابليتى مفقود ايكن، محضا صانعدن تغافل و إنتظامڭ إلجائندن تولّد ايدن يالڭز إضطرار ايله، وَلَهْ رَسَانِ عقول اولان قدرتڭ آثارينى شو مطبعهمثال اولان طبيعتڭ صنعتندن گورمك، طبيعتى مسطر ايكن مصدر تخيّل ايتمك؛ لازمِ أعمّڭ