ايكنجى دليلِ قرآنى: «دليلِ إختراع»در. بونڭ خلاصهسى: مخلوقاتڭ هر نوعنه، هر فردينه و او نوعه و او فرده مرتّب اولان آثارِ مخصوصهسنى مُنْتِجْ و إستعدادِ كمالنه مناسب بر وجودڭ ويريلمسيدر. زيرا هيچ بر نوعِ متسلسل، أزلى دگلدر. إمكان بيراقماز. هم ده بِالضروره بعضنڭ حدوثى نظرڭ مشاهدهسيله و سائرلرى دخى عقلڭ حكمت نظريله گورولور.
وهم و تنبيه: إنقلابِ حقيقت اولماز. نوعِ متوسّطڭ سلسلهسى دوام ايتمز. تحوّلِ أصناف، إنقلابِ حقائقڭ غيريسيدر.
إشارت: هر بر نوعڭ بر آدمى و بر بيوك پدرى اولديغندن سلسلهلردهكى تناسلدن نشئت ايدن وهمِ باطل او آدملرده، او أوّل پدرلرنده توهّم اولونماز. أوت حكمت، فنِّ طبقاتُ الأرض و علمِ حيوانات و نباتات لسانيله ايكى يوز بيڭى متجاوز اولان أنواعڭ آدملرى حكمنده اولان مبدأِ أوّللرينڭ هر برينڭ مستقلًا حدوثنه شهادت ايتديگى گبى؛ موهوم و إعتبارى اولان قوانين و