طُرُق ايدن أوهامڭ آشيانى اولان ممارساتِ ألزمياتدن نفسڭى تخليه ايتسهڭ؛ خردهبينى بر حيوانڭ صورتى آلتنده اولان ماكينۀِ دقيقۀِ بديعۀِ إلٰهيهنڭ شعورسز، مجرا و محركلرى تحديد اولونميان و إمكاناتنده أولويت اولميان أسبابِ بسيطۀِ جامدۀِ طبيعيهدن حصولپذير و او دستگاهڭ مصنوعى اولديغنى كندى نفسڭى قانديروب مطمئن و إقناع ايدهمييورسڭ. مگر هر بر ذرّهده أفلاطون قدر بر شعور و جالينوس قدر بر حكمتى إثبات ايتدكدن صوڭره، ذرّاتِ سائره ايله واسطهسز مخابره يى إعتقاد و أسبابِ طبيعيهنڭ اُسّ الأساسى حكمنده اولان جزءِ لايتجزّادهكى قوّۀِ جاذبه و قوّۀِ دافعهنڭ إجتماعلرينڭ خرطومى اوزرندهكى محاليتڭ طامغهسنى قالديرهبيلسهڭ...
أگر نفسڭ بو محالاته إحتمال ويرسه، سنى إنسانيت دفترندن سيلديرهجكدر. فقط جائزدر كه: هر بر شيئڭ أساسى ظن ايتدكلرى اولان جذب و دفع و