إشارت: قلبنده نقطۀِ إستمداد، نقطۀِ إستناد ايله وجدانِ بشر صانعى اونوتمامقدهدر. أگر چندان دماغ تعطيلِ أشغال ايتسه ده، وجدان ايدهمز. ايكى وظيفۀِ مهمّه ايله مشغولدر. شويله كه: وجدانه مراجعت اولونسه، قلب بدنڭ أقطارينه نشرِ حيات ايتديگى گبى.. قلب گبى قلبدهكى عقدۀِ حياتيه اولان معرفتِ صانع دخى؛ جسد گبى إستعداداتِ غيرِ محدودۀِ إنسانيه ايله متناسب اولان آمال و ميولِ مُتَشعِّبَهيه نشرِ حيات ايدر؛ لذّتى ايچنه آتار و قيمت ويرر و بسط و تمديد ايدر. ايشته نقطۀِ إستمداد...
هم ده بونڭله برابر غاوغه و مزاحمتڭ ميدانى اولان دغدغۀِ حياته پى در پى هجوم گوسترن عالمڭ بيڭلر مصيبت و مزاحملره قارشى يگانه نقطۀِ إستناد معرفتِ صانعدر...
أوت هر شيئى حكمت و إنتظامله گورن صانعِ حكيمه إعتقاد ايتمزسه و على العميا تصادفه حواله ايدرسه و او بليّاته قارشى ألندهكى قدرتڭ عدمِ كفايتنى