متداخلهيه بڭزهين مركّباتِ متشابكۀِ متصاعدۀِ كائناتڭ هر بر مقام و هر بر نسبتنده هر بر ذرّه موازنۀِ جريانِ عمومى يى محافظه و هر نسبتده آيرى آيرى مصالحى إنتاج ايتدكلرندن، صانعڭ قصد و حكمتنى إظهار و قرائت ايتدكلرى ايچون صانعڭ دلائلى، ذرّاتدن قات قات زيادهدر.
أگر ديسهڭ: نهدن هركس عقليله گورمييور؟
الجواب: كمالِ ظهورندن... أوت شدّتِ ظهوردن گورونمهمك درجهسنه گلنلر واردر. (جِرمِ شمس گبى.)
﴿تَاَمَّلْ سُطُورَ الْكَائِنَاتِ فَاِنَّهَا ۞
مِنَ الْمَلَاِ الْاَعْلٰى اِلَيْكَ رَسَائِلُ﴾
يعنى: أبعادِ واسعۀِ عالمڭ صحيفهسنده نقّاشِ أزلينڭ يازديغى سلسلۀِ حادثاتڭ سطرلرينه حكمت نظريله باق و فكرِ حقيقتله صاريل. تا كه ملأِ أعلادن گلن سلاسلِ رسائل سنى أعلاىِ علّيّينِ يقينه چيقارسين.